વરસાદ દરમિયાન પૂરની પરિસ્થિતિ: હાલમાં રાજ્યમાં ચોમાસું ચાલી રહ્યું છે તો ઘણા જીલ્લાઓમાં ભારેથી અતિભારે વરસાદ પડી રહ્યો છે અને ઘણા જીલ્લાઓમાં વરસાદની આગાહી છે અમુક જીલ્લાઓમાં પૂરની સ્થિતિ છે તો આપડે આજે આ લેખમાં પૂર દરમિયાન લેવાની કાળજીઓ વિશે માહિતી મેળવીએ.
વરસાદ દરમિયાન પૂરની પરિસ્થિતિ
પૂરની પરિસ્થિતિમાં બનીએ સભાન સલામત બનાવીએ આપણું જીવન આપત્તિ વ્યવસ્થાપન એ જ સાચી સાવચેતી. જવાબદાર બનો – તમારી અને તમારા આસપાસના લોકોની સુરક્ષા સુનિશ્ચિત કરો. વહિવટી તંત્રને સહકાર આપો – જેથી ભેગા મળી વહેલી તકે સમસ્યાઓનું સમાધાન થઇ શકે.
પૂરની સ્થિતિ પહેલા
- અફવા ફેલાવશો નહિ, શાંત રહો, ગભરાશો નહિ.
- સ્થાનિક વહીવટીતંત્રના સંપર્કમાં રહી તેમની સૂચનાઓનું પાલન કરો.
- આસપાસના સૌથી નજીકના સલામત સ્થળે પહોંચવાનો સલામત માર્ગ જાણો.
- હવામાન અને પૂરની ચેતવણીની અધતન માહિતી માટે રેડિયો સાંભળો કે ટેલીવિઝન નિહાળો.
- તમારા મોબાઈલ ફોનને ચાર્જ કરી રાખો.
- સર્પદંશ અને ઝાડા ઉલટી માટેની વધારાની દવાઓ સાથેની પ્રાથમિક સારવાર કિટ તૈયાર રાખો.
- છત્રી સાથે રાખો અને સાપ જેવા ઝેરી જીવજંતુથી બચવા લાકડીની વ્યવસ્થા રાખો.
- શુદ્ધ પાણી, સુકો ખાદ્યપ્રદાર્થ, મીણબત્તી / દિવાસળીની પેટીઓ, કેરોસીન, ફાનસ, મજબૂત દોરડા, હાથબત્તી, વધારાના બેટરી સેલ હાથવગા રાખો.
- પશુઓના બચાવ માટે તેમને ખૂંટાથી છૂટા રાખો.
સ્થળાંતર કરવાનું થાય ત્યારે
- લોકો અને પશુઓ સલામત આશ્રય લઈ શકે તેવા ઊંચા સ્થળે સ્થળાંતર કરો.
- ઘરને તાળું મારી બંધ કરો અને દર્શાવેલ માર્ગો સલામત સ્થાને પહોંચો.
- પૂરના પાણી ગટર દ્વારા ઘરમાં ન ઘૂસે તે માટે રેતીની કોથળીઓ મૂકી ગટરો બંધ રાખો.
- કપડાં, જરૂરી દવાઓ, કિમતી ચીજ વસ્તુઓ, અંગત દસ્તાવેજો વગેરેને વોટરપ્રૂફ પેકીંગમાં બાંધી સાથે રાખો.
- ફર્નિચર, ઘર ઉપયોગી સાધનો વગેરેને પલંગ કે ટેબલ ઉપર ઊંચે મૂકી રાખો.
- ઘર છોડતા પહેલાં વીજ પુરવઠો અને ગેસ સિલિન્ડર બંધ કરો.
- અજાણ્યા અને ઊંડા પાણીમાં ઉતરવાનું ટાળો.
પૂર દરમિયાન
- ગટર અને પાણીના નિકાલ માર્ગોથી દૂર રહો.
- વીજ કરંટથી બચવા વીજળીના થાંભલા અને જમીન પર પડેલા વીજ વાયરોથી દૂર રહો.
- ઉકાળેલું જ પાણી પીવો અથવા પાણીને જંતુમુક્ત કરી પીવો.
- આસપાસની જગ્યાને જંતુમુક્ત રાખવા ચૂનો અને બ્લીચીંગ પાવડરનો છંટકાવ કરો.
- બાળકોને ભૂખ્યા ણા રાખો.
- તાજો રાંધેલો અને સુકો ખોરાક ખાવ, ખોરાકને ઢાંકીને રાખો.
પૂર બાદ
- સ્થાનિક સત્તાધીશ અને આકસ્મિક સેવાઓ સાથે જોડાયેલાં કાર્યકરોની સલાહ ધ્યાનથી સાંભળી પાલન કરો.
- આકસ્મિક સમયે રાહત અને બચાવ માટે અહીં દર્શાવેલા આપાતકાલિન કંટ્રોલરૂમના ટેલિફોન નંબર ઉપર જાણ કરો.
- બાળકોને પૂરના પાણીમાં કે પૂરના પાણીની નજીક જવા દેશો નહી.
- તૂટેલા વીજ થાંભલાઓ, ક્ષતિગ્રસ્ત પુલ-નાળા, તૂટેલા કાચ ધારદાર ચીજવસ્તુઓ અને ભંગારથી સાવચેત રહો.
- ક્ષતિગ્રસ્ત વીજ ઉપકરણોનો ઉપયોગ ટાળો, ઈલેક્ટ્રિશીયન પાસે ચેક કરાવ્યા બાદ જ આવા ઉપકરણોનો ઉપયોગ કરો.
- પૂરના પાણીથી પલળેલા ખોરાક આરોગો નહી.
- મેલેરિયાથી બચવા માટે મચ્છરદાનીનો ઉપયોગ કરો.
વરસાદ દરમિયાન પૂરની પરિસ્થિતિ માટે આપતકાલિન સંપર્ક (લેન્ડલાઈન ફોન માટે) જીલ્લા કંટ્રોલરૂમ – ૧૦૭૭ / રાજ્ય કંટ્રોલરૂમ – ૧૦૭૦ (મોબાઈલથી સંપર્ક કરવા માટે ડીસ્ટ્રીકટ કોડ જોડવો)
વરસાદ દરમિયાન પૂરની પરિસ્થિતિ